फिफा कन्फेडेरेसन कप २०१७ आज बाट

आज बाट फिफा कन्फेडेरेसन कप २०१७ सुरु हुदै छ। फिफाले यो टुर्नामेन्ट १९९२ देखि हरेक चार वर्षको अन्तरमा आयोजना गर्दै आएको छ। ६ महादेशका च्याम्पियन टोलीसँगै विश्वकप विजेता र आयोजक टोलीको सहभागिता रहने यस प्रतियोगितामा कुल १६ खेल खेलिनेछ। 

सहभागी ८ टोलीलाई २ समूहमा बिभाजन गरेर लिग कम नकआउट फर्म्याटमा प्रतियोगिता संचालन हुनेछ। प्रतियोगिताको समूह ‘ए’मा आयोजक रसियासँगै मेक्सिको, पोर्चुगल र न्युजिल्याण्ड रहेका छन् भने समूह ‘बी’मा जर्मनी, चिली, क्यामरुन र अष्ट्रेलिया छन्।

शनिबार हुने उद्घाटन खेलमा आयोजक रसियाले न्युजिल्याण्डको सामना गर्दैछ। समूहका शीर्ष २ स्थानमा रहने टोलीले सेमिफाइनलमा स्थान बनाउनेछन्। प्रतियोगितामा तेश्रो स्थानको खेल पनि हुनेछ।

यस प्रतियोगितालाई विश्वकपको वार्म अप प्रतियोगिताको रुपमा हेरिंदै आएको छ। रसियाले सन् २०१८ मा फिफा विश्वकप आयोजना गर्दैछ।

नेपाली मिति र समयमा कन्फेडेरेसन कपको खेल तालिका

खेल तालिका:

समूह ‘ए’: रसिया, न्युजिल्याण्ड, पोर्चुगल, मेक्सिको

३ असार – रातको ८:४५ बजे – रसिया विरुद्ध न्युजिल्याण्ड

४ असार – रातको ८:४५ बजे – पोर्चुगल विरुद्ध मेक्सिको

७ असार – रातको ८:४५ बजे – पोर्चुगल विरुद्ध रसिया

७ असार – रातको ११:४५ बजे – न्युजिल्याण्ड विरुद्ध मेक्सिको

१० असार – रातको ८:४५ बजे – पोर्चुगल विरुद्ध न्युजिल्याण्ड

१० असार – रातको ८:४५ बजे – रसिया विरुद्ध मेक्सिको

समूह ‘बि’: जर्मनी, क्यामरुन, अष्ट्रेलिया, चिली

४ असार – रातको ११:४५ बजे – क्यामरुन विरुद्ध चिली

५ असार – रातको ८:४५ बजे – अष्ट्रेलिया विरुद्ध जर्मनी

८ असार – रातको ८:४५ बजे – अष्ट्रेलिया विरुद्ध क्यामरुन

८ असार – रातको ११:४५ बजे – चिली विरुद्ध जर्मनी

११ असार – रातको ८:४५ बजे – क्यामरुन विरुद्ध जर्मनी

११ असार – रातको ८:४५ बजे – अष्ट्रेलिया विरुद्ध चिली

सेमीफाइनल खेलहरु असर १४ र १५ गते रातको ११:४५ बजे खेलिनेछन्।

तेश्रो स्थान र फाइनल खेल भने असार १८ गते क्रमश: रातको ७:४५ र ११:४५ बजे खेल्ने कार्यक्रम रहेको छ।

नोट: सबै खेलको सोनी सिक्स र टेन २ च्यानलमा लाइभ हेर्न सकिने छ।

सौजन्य: हाम्रो खेलकुद डट कम